Napamaang si Hermes sa sinambit ni Luna sa kanya.
"One fifty? Binili ko ng halos limang libo, tapos, ibebenta mo lang ng ganoʼng presyo!"
"O, bakit? Ayaw mo ba noʼn, ha? Pag-aagawan nila agad ʼyon! Saka pipti-pipti tayo sa pagbebentahan," aniya sabay ngisi rito.
"Tumigil ka, riyan! Uminom ka na lang, buti pa at kung maubos mo ʼyan, matulog ka na dahil may trabaho ka pa bukas."
"Yes, Sir Piccols!" sagot niya na nagsaludo pa siya sa lalaking amo.
Ipinikit na ni Hermes ang dalawang mata nito at akala ni Luna ay tulog na ang lalaki.
Dahan-dahan siyang tumabi. Hinaplos niya ang buhok ni Hermes. Oo ngaʼt nakainom na siya pero alam pa naman niya ang kanyang ginagawa.
"Gusto kita, Mr. Del Rio," usal niya. "Kaso, hirap mong abutin. Pero, gagamit ako ng hagdan para maabot kita. Hindi
