SELAH
NAGISING ako sa malakas na pagtawag sa pangalan ko at pagkatok mula sa labas ng ng aking kwarto. Kinusot-kusot ko ang aking mata para masanay ito sa liwanag.
Nakalimutan ko palang patayin ang ilaw kagabi.
Sa sobrang sakit ng katawan ko'y hindi na ako halos makatayo. Mabuti na lang at nakatulog ako kahit bukas ang ilaw. Sabagay sino ba naman ang hindi makakatulog kung sobrang pagod ng aking katawan?
"Selah, wake up!" muling tawag sa akin sa pinto.
Nangunot ang noo ko. Hindi si Magnus iyon dahil boses ng babae.
"Selah? Buhay ka pa ba?"
Nagtataka ako kung bakit siya narito.
"Phoebe?" mahina kong usal sa pangalan ng hinihinala kong tao sa labas.
Hindi sinasadyang napatingin ako sa wall clock kaya agad akong napabangon.
"Oh, sh-it!" Sinabunutan ko ang aking buhok dahil sa sobr
