Acelle's POV
Ala-una ng madaling-araw nang maalimpungatan ako. Basang-basa ako nang pawis dahil biglang nawalan ng power. Napatayo tuloy ako at saka ko binuksan ang bintana ng kuwarto ko para may hangin manlang pumasok. Pagbukas ko ng bintana ay nanlaki ang mata ko nang makita kong nasusunog na pala ang katapat naming bahay. Kung hindi ko pa buksan ang bintana ay hindi ko maririnig ang mga sigawan ng mga tao na nagkakandarapa na tumakbo palayo roon.
Mayamaya pa ay narinig ko nang may mga yapak nang papalapit sa kuwarto ko. Pagbukas ng pintuan ng kuwarto ko ay nakita kong niluwa niyon ang takot na takot na si mama.
"Anak, Acelle, gising!" sigaw ni mama na kumaparipas ng takbo papasok sa kuwarto ko. Nagulat pa siya nang makitang gising na rin ako. "Anak, halika na. Umalis na muna tayo rit
