Ginulo ko ang aking buhok. Naloloka na ako ngayon sa mga nangyayari. Saan ko na naman hahanapin si Jayvril? Saang lupalop naman kaya siya naroroon?
Gulong-gulo na ako, paano na ba ito?
Mararanasan ko pa ngayon na ako ang maghahabol sa kaniya. Pero kung sabagay, kasalanan ko rin naman na hindi ko sinabi agad ang katotohanan sa kaniya kahit sobrang dami na niyang naitulong sa akin.
Hindi ko alam kung bakit ganoon ang ginawa ko. Nalilito pa rin ako sa totoo lang.
Hinanap ko ang cellphone namin ni Sopi. Hindi naman iyon nagalaw sa pinaglalagyan namin.
Sa isang banda naman ay napansin ko naman ang letter na ginawa ko para kay Jayvril. Nakalukot na iyon, hindi ko alam kung nabasa niya ba ang laman ng sulat na iyon.
Ganoon ba siya kagalit kaya niya iyon nagawa? Sobrang laki na yata talag
