"Bilisan natin, Ria. Hinihintay na lamang ni Dad ang go signal natin bago niya kausapin si Tito," saad ni Caren.
Lumingon ako kay Sopi. Paalam ko, "Aalis na kami. Ikaw na muna ang bahala rito. Mag-iingat ka at huwag masyadong maglalalabas kung hindi kinakailangan."
"Sure, Ate Ria. Ako na ang bahala rito. Huwag ninyo na kaming alalahanin. Pag-uwi ninyo ay nakahanda na ang mga pagkain para hindi na kayo maabala pa," saad ni Sopi.
Nagpasalamat ako sa kaniya. Kinausap na rin nila Caren ang iba naming kasambahay para magpaalala. Hinayaan ko na sa kanila ang task na iyon.
"Puntahan mo na si Tita. Susunod kami ni Caren," utos ni Zoe.
Tumango ako sa kaniya at nagpaalam muna na tatawagin si Mom. Isasama namin si Mom dahil iyon ang gusto niya. Hindi kasi siya mapakali sa magiging daloy ng us
