شمس الانصاري

السادس والسابع

شمس الانصاري

___________

استغفر الله العظيم

الفصل(٦)

بعدما انهت حديثها مع ناديه واقنعتها علي مرافقتهم الي الصعيد ..

جهزت كل اغراضها وما ستحتاجه هي ووالدها نزلت الجنينه واتجهت ناحيه البوابه توقفت عند البوابه وعلي شفتيها ابتسامه خفيفه لتقول بهدوء ..

ملك : مسالخير ياطارق

توقف طارق مسرعا عندما سمع صوتها من الخلف: مسالخير يافندم

ملك:طارق اعمل حسابك بكره مسافرين..

طارق: فين يافندم

ملك :الصعيد في عندي شغل هناك ..نظرت له بهدوء طارق انت حر لو مش حابب تيجي براحتك أنا عارفه انك عندك بيتك واولاد مش مجبور علي السفر..

قاطعها طارق ليقول : امرك يافندم أنا معاكي في أي مكان وتحت امرك

اشارت له برأسها لتقول بهدوء:ماشي ياطارق المهم حنسافر كلنا بعربيتي الجب انت حتسوق تمام ...

طارق :حاضر

اتجهت الي باب فلتلها ولكن توقفت مره اخري لتقول له:

"صحيح متنساش تحضر عربيه ل ما** ولايكا حناخدهم معانا..

طارق: حاضر يافندم

ملك : طارق انت اكفي حد اشتغل معايا في حراسات وانا بثق فيك جدا اختار راجل تاني معاك بس يكون كويس زيك وعلي ضمنتك..

ابتسم طارق بلطف: شكرا يافندم.. امرك ..

ملك :تصبح علي خير

اتجهت الي غرفته لتطمئن علي والدها اقتربت من فراشه لتقبل جبينه أعادت فرش اللحاف مره اخري علي جسده ثم أطفأت الانوار واوصدت الباب متجها الي غرفتها لتنام فغدا يوما طويل سيبدأ بالسفر ولن تعلم سينتهي بماذا..

في صباح يوم جديد..

استيقذ ملك في الصباح كعادتها توجهت الي المرحاض وبدأت يومها بصلاتها ثم ارتدت شميز ابيض وبنطلون ازرق وكاب وضعت تلك العدسات ثم وضعت نظاراتها الشمسيه واتجهت الي والدها خبطت ثم دخلت اقتربت منه مقبله جبينه ...

"صباح خير ياسياده اللواء"

محمد: صباح خير يا حبيبتي

ملك :انا نقلت الحاجات المهمه في فلتنا الجديده زمانهم وصلوا والعمال بيرصوها..

محمد: ماشي يابنتي

ملك :جهز نفسك للسفر ياحبيبي

محمد :حاضر

جهزت ملك واستعدت للسفر أدارت كرسي والدها المتحرك الي سيارتها كان طارق راكب سيارتها ركبت والداها ورا وبجانبه داده وركبت هي قدام بجانب طارق..

"طارق فين ما** ولايكا" قالتها وهي تربط حزام الامان

طارق :بابتسامه في عربيه الي ورانا يفندم راكبين في شبكه عربيه مع مصطفي

داده :ايه دا انتي اخدتي كلاب كمان..

ملك' ايوه ياداده منتي عارفه مقدرش اسيبهم

داده :عارفه طيب

أشارت لطارق ليبدأ رحلتهم ..

وبعد سفر ٩ ساعات وصلوا قرب المغرب نزلت قدام فلتها ونزلت والدها برفق

ملك: براحه يابابا

محمد: حاضر

أمسكت يده بلطف لتدخل الي باب البيت وبرفقتها ناديه أما طارق ومصطفي فظلوا في أماكنهم أمام باب البيت

تطلع محمد الي هذا البيت اتسعت بوره عينيه وهو ينظر له باستغراب فالبيت لا يليق بالمكان فمعظم البيوت ليست كتلك الت**يم الرائع

محمد :ملك

ملك :ايوه ياحبيبي

محمد :البيت ده اكيد مشتريتهوش

ابتسمت ملك علي فراسه والدها ثم قالت بابتسامه:لا دي كانت قطعه ارض أنا اشتريتها وقولت للجماعه في شركه يبنوها ايه رايك حلوه

ابتسم محمد:حلوه جدا والطراز رائع بس انا ليه حاسس اني شفت الطراز دي قبل كده

ملك :ههههه ايوه ياحبيبي ليه شبه شويه من بيتنا في فرنسا اصل أنا بعت للمهندسين ت**يمات كده بسيطه وهما مشوا عليها ..

محمد:ماشي ياحبيبتي الي يريحك

ربت ملك علي يديه لتقبلها برفق:يلي بقي عشان ناكل مجعتش من المشوار ..أدارت وجهها لناديه قائله:ولا ايه ياداده مش حناكل

حالا ححضر الاكل

_____________

عند بيت شمس دخل عليه محروس المنضره

محروس :مسالخير ياكبير

التفتت إليه شمس: مساالخير يامحروس خير

محروس: سعادتك قلتلي لما الرائد الجديد يوصل ابلغك..

شمس : هو وصل زين.. ادخل مطبخ وخليهم يجهزوا ضيافه وخدها وديها

محروس: امرك ياكبير.

اخد محروس الاكل وذهب الي فله ملك ..

أمام الفله وصل محروس دخل ممسك بالاكل أوقفه طارق يتفقده

طارق :رايح فين انت

محروس: داخل للرائد الجديد..

أشار بيديه ليقول بجمود: وايه ده الي انت شايله..

محروس: ده وكل ضيافه

طارق :طيب ادخل

دخل وخبط فتحت له داده

داده: نعم

محروس: الرائد موجود؟

داده :اه ثواني ودخلت نادت ملك

داده :في حد شكله غريب عاوزك ياملك

ملك: بضحكه ماشي يا داده حروح اشوفه

اتجهت الي الباب لتسقط انظارها الي ذلك الرجل الضخم مرتدي جلباب صعيدي لتقول بجمود

"مين حضرتك"

محروس: انا يا ست هانم جاي من طرف شمس بيه

نظرت له ملك ليكمل " مين شمس ده وعاوز ايه؟

محروس: شمس ابوسليم الانصاري

ملك: انا مبسالكش عشان تقولي الاسم ثلاثي هو مين يعني بيشتغل ايه

محروس :كبير البلد

ملك :كبير بلد وعاوز ايه بقي..

محروس :بعتني بالوكل ده

ملك: اكل ايه حد قلك اننا مش لاقين ناكل..أشارت له بسبابتها ليكمل هو بتردد

محروس: دي عوايدنا يا ست هانم..

تقدم لها محمد علي صوتها: مين ياملك

نظرت إلي والدها لتمسك بكرسيه المتحرك : معرفش يابابا لو سمحت اتفضل ارجع باكلك وقغلت باب بسرعه

محروس خرج واخد الاكل: ايه الحرمه .. دي شكلها كده اخت الرائد وده ابوه اخد الاكل ورجع لشمس دخل البيت فرآه جالس علي الاريكه..

محروس: ياكبير

شمس :في ايه

محروس: مرضتش تاخد الاكل

"مين هي الي مرضتش ياواكل ناسك انت رحت فين ياابومخ تخين"

محروس: طيب وانا زنبي ايه ياكبير أنا رحت بيت الرائد بس فتحتلي اخته شكله مش موجود..

شمس :واخته مخدتش الاكل ليه

محروس: قلتلي انت فاكرنا معندناش وكل وقغلت باب في وشي

شمس :هههههه طيب خلاص روح انت احنا ناقصين رائد وعيلته كمان

عند ملك

" يلي يابابا عشان تنام"قالت جملتها لتجر كرسي والدها الي غرفته..

محمد :ماشي يابنتي

نومته علي فراشه اوصدت الباب ثم قررت تخرج تستكشف منطقه

اتجهت الي باب الفله فاوقفها طارق:

طارق : راحه فين يا فندم

ملك :حتمشي

طارق :مينفعش تخرجي لوحدك

ملك: افندم انت بتكلمني انا انت نسيت انا مين انا الرائد ملك الجندي فاهم

اوطآ رأسه ارضا: اسف مش قصدي..

ملك سابته ومردتش عليه وخرجت تتمشي بين الاشجار..

شمس الانصاري

الفصل(٧)

كانت تشعر بالحر شديد فجو البلد دافئ بالنسبه لجو القاهره ..اكتفت بلبس بنطلون جينز وبلوزه شيفون كات مرتديه عدساتها السوداء ورافعه شعرها ببنسه الشعر.. بدات بالتجول وسط الاشجار لتتمكن من حفظ المنطقه باسرع وقت فلا يمكنها العمل بالمنطقه الا بعد أن تحفظ كل جزء منها..

عند شمس خرج مسرعا علي صوت مبارك فتح الباب له:

مبارك: شمس

شمس: ايه يامبارك خير

مبارك: جيه

اتسعت عينيه بفرح: متاكد؟

مبارك: ايوه شفته نواحي بلد في جهه القبليه

شمس: تمام انا ريحله

مبارك: جاي معاك ..

أشار له برأسه :لا انا حصرف مع خاين ده لوحدي

مبارك: مستحيل اسيبك وحدك

شمس: اسمع الحديد.. قلتلك حروحله اصفي حسابي معاه لوحدي

مبارك :حتقتله؟

شمس: قلتلك ١٠٠ مره شمس ابوسليم ملوش في قتل اتا بس حعلم عليه واعرفه غلطته يلي سلام..قالها متجهها الي الباب ممسك بسلاحه في جيبه..

كان يركض سريعا وسط الزرع والاشجار حتي يهرب الي جبل خوفا من شمس فكونه عرف انه خانه سيقتله حتما واثناء سيره ..توقف فجاءه ودقات قلبه تنبض بشده سمع صوته الحاد ...

شمس :بكر

التفتت له بكر بخوف فلا مجال للهرب فها هو يقف امامه.: شمس

شمس :ايه مالك يابكر وفينك المده دي؟

" ابدا ياكبير كنت مسافر"

أخرج سلاحه من جيبه : اها

أشار له بكر بسبابته: حتعمل ايه ياشمس ابوس ايدك متقتلنيش

شمس: وليه خنتني قصرت معك في ايه

بكر: انا مليش صالح

واثناء حديثهم اتت علي صوت بكر وشمس موجه المسدس له اقتربت بسرعه حاولت اخراج مسدسها من جيبها ولكن تذكرت انها تركته في غرفتها ؛ فهي لم تعتقد أنها ستحتاجه في أول يوم لها أقبلت عليه بصوت جمهوري غاضب مصوبه يديها الي ذلك الرجل مهدده له..

ملك: نزل المسدس

التفت لها شمس ودي مين دي كمان. مش شكلها صعيديه اكيد اخت الرائد الجديد الي قال عنها محروس

شمس: روحي بيتك ياحرمه ايه خرجك في نصاص اليل يلي روحي

هتفت ملك بغضب :حرمه انت مجنون قلتلك نزل سلاحك احسنلك..

شمس بضحك: وان منزلتوش

ملك: حقبض عليك

شمس: تمام

لم يهتم بها صوب المسدس ناحيه بكر وض*ب بكر في رجله وجري بسرعه شديده

لم تهتم ملك بذلك الذي يصرخ من الم رجله ولكنها جرت وراء ذلك المستفذ المجرم..

كان يركض بسرعه وتركض وراءه باقصي سرعتها فهي كل ما تحتاجه أن يتوقف قليلا لتفرغ فيه كل فنون الكاراتيه : وقف عندك واثناء جريها شبكت بلوزتها الشيفون في الشجر فتمزقت بالكامل ولم تكن تلبس سواها هي وملابسها الداخليه توقفت ملك عن الجري ...

عندما وقفت لم تستطيع التجول هكذا احتمت بين الاشجار تداري جسدها وعندما حس شمس بانها توقغت عن الجري وراه وقف وافتكر ان اصابها مكروه ف*جع لها وجدها تتداري بجسدها العاري لاتعلم ماذا تفعل وليس معها حتي هاتف لتتصل باحد وحست انها ضاعت وسط ذلك الغصون لا تستطيع العوده قرب منها وخلع شاله الذي يرتديه فوق جلبيته وحاوطها بيت زراعها وقفت مندهشه من ذلك الرجل كيف يقتل وبعد ذلك يعطني شي ليسترني ايعقل..

نظر له شمس قائلا: حتعرفي تروحي

.. ارتشعت جسدها خجلا ,والقت نظارتها ارضا ثم قالت ببطئ"لسه محفظتش المنطقه"

شمس: طيب تعالي وخروحوا من الزرع واوصلها مكان فلتها وذهب دون كلام..

دخلت من باب فله فوجدت طارق

نظر لها بخوف عليها: في حاجه حضرتك حد اتعرضلك

قالت ملك بسرعه نافيه: لا بس هدومي شبكت في غصن واتقطعت

طارق: ماشي

دخلت ففتحت لها داده باب وكان والدها معها

داده :يالهوي في ايه انتي كويسه

ملك :مفيش متقلقوش بس هدومي شبكت في غصن

محمد: والشال ده بتاع مين

ملك :واحد ادهولي ووصلني لغايه هنا مردتش تقولهم انه واحد قاتل بعد اذنكم ..اتجهت الي غرفتها خلعت شال وارتدت ملابسها وجلست علي سرير ومسكت شال وابتسمت وسرعان ما اختفت الابتسامه وذهبت الانثي الذي بداخلها وطلعت مكانها الرائد ..

"مش حسيبه لازم اقبض عليه ولو وسط ١٠٠٠ راجل حعرفه" ارتمت بجسدها علي فراشها لتنام ...

بعدما أنهي مشواره رجع الي البيت كان مبارك في استقباله..اقترب له بلهفه

مبارك: عملت ايه

شمس: ض*بته بالنار

مبارك: قتلته

شمس :لا ض*بت رجله عشان يتعلم بس

مبارك :ماشي ياشمس اسيبك

خرج وتركه سرحان فيها فاول مره يري امراه عاريه امامه كان خجول للغايه وهو امامها ولكن ملامحها وشكلها وجسدها لم يفارق خياله..

في الصباح الباكر صحيت من نوم اردت ملابسها والعدسات ونظاره شمس فاليوم اول يوم لها في قسم, نزلت الي الأسفل قبلت جبين والدها

ملك :صباح خير

محمد :صباح نور افطري

ملك: مش قادره ..بعد اذنكم حروح القسم

محمد: ماشي يبنتي

خرجت من فله وركبت سيارتها : طارق خلي بالكم من بابا وداده

طارق :امرك

في قسم:

جالس محمود بشرود علي مكتبه :

محمد: ايه مالك

التفت له : زمانها جايه

محمد :متفكرنيش ونبي علي اخر زمن نسمع كلام حرمه..

محمد: دي لو حد في البلد عرف حتبقي مضحكه للقسم..

نفخ محمود : عندك حق

بعد شويه وصلت بعربيتها ودخلت القسم ..

انزلت نظارتها الشمس لتقول بقوه: انا ملك محمد الجندي

نظر لها محمود بابتسامه مصطنعه: اهلا سياده الرائد..

امد لها يديه ليسلم: حمدالله علي سلامه يافندم..

ملك :الله يسلمكم

دخلوا الي مكتبها ليعرفوها علي مكان

ملك: شكرا علي ترحيب وياريت نتعاون سوا في قضيه دي.

محمد: اكيد يافندم

ملك: انتو اتصلتوا بالاداره في مصر بتشتكوا ان في تاجر سلاح

محمود :تمام يافندم شمس ابو سليم الانصاري

ملك: دي كبير بلد صح

محمد: ايوه كبير بلد والكل بيعزه ويسمع كلامه

جلست علي المكتب لتقول باهتمام: ازاي؟

محمد :اي مشكله تتعرض عليه سواء ورث او تار وهكذا..

ملك :وازاي كبير بلد وبيتاجر في سلاح

محمد: مشكله ان اهل البلد مش مقتنعين ان سلاح دي حاجه غلط كل الي يفهمه انها تجاره زيه زي الي بيبع اكل وشرب..

كورت قبضتيها علي المكتب: دي جهل؟

محمد: هنا في عادات وتقاليد بتحكم البلد

ملك :ماشي خلينا في شمس ده انا عاوزه اعرف عنه كل حاجه

محمد :امرك يافندم حبعتلك ملف عنه..

ملك :صحيح مفيش بلاغ جالكم امبارح عن حد اتقتل..

نظر محمود لمحمد ليجيب بثقه: لا يافندم

ملك بلهفه: ولا جريح حتي

محمود :لا يافندم

التفتت له لتقول :طيب هو في اجازه ولا ايه

افندم" قالها محمود مجيبا لها علي عدم فهمه

ملك:هو ايه الي افندم بسالك فين بقيه القسم واخدين اجازه؟

هتف محمد:لا يافندم دي عددنا كده

وقفت من مكانها متجهها لهم لتقول بسخريه:عددكم ٣بس

محمود:ايوه يافندم

ملك:انتو بتهزروا يعني القسم مفهوش غير ظابطين وعسكري وانا ..حاجه حلوه والله

محمد :يافندم دي نظام اي قسم في القريه

أشارت له بكفيها ليسكت اتجهت الي مكتبها مره اخري لتجلس نظرت له بعينيها لتقول:طيب ابعتلي رسام عوزاه يرسملي حد شفته امبارح في البلد

نظر محمد ومحمود الي بعضهم لتصرخ هي :مبتردوش ليه

محمد بتردد:يافندم مفيش هنا غيرنا احنا لو عاوزه رسام ابعتهولك من محافظه لقصر وعلي ميجي يقعدله يومين

أشارت لهم ملك بغضب ناحيه الباب:اتفضلوا علي مكتبكم ولا معندكمش مكاتب كمان ..

خرجوا ليتركوها تفكر في الأمر الأهم لها كيف لا يوجد بلاغ تري اين ذهب ذلك الرجل المصاب ...

شمس الانصاري للكاتبه ايه عبده(ورد)

___________

ملحوظه ياجماعه: أنا صعيديه ومن اخر بلد بالصعيد واللهجه الي بكتب بيها القصه دي هي لهجتي الي بتكلم بيها أنا وعيلتي.. في تعليق شفته أن لهجه بتاعه القصه مش صعيدي قوي ..احب اوضح بس أن الصعيد من: بني سويف ل أسوان ٧محافظات كل محافظه بالصعيد وليها لهجتها غير التانيه وكل مركز يختلف عن تاني اللهجه الصعيديه بحر ياجماعه ومتفرعه فروع وكمان.. وفي نقطه أن الإنسان مع تعليمه وعمله بيرتبط بناس تانيه بتتغير لهجته تلقائيا.. يعني الي بيسافر مثلا السعوديه للعمل تلقيه بيكلم سعودي علي بسيط ..ودي أنا وضحته مثلا في :لهجته شمس غير اسيا غير أمه سعاد مع أن الثلاثه عيله واحده والمفروض بلد واحده بس اسيا لسه بتدرس فطبيعي تعليمها وسط طلبه وزمايلها بيغير من لهجتها ع** امها سعاد بتتكلم صعيدي صعب شويه لأنها عمرها مخرجت بره الصعيد معلش طولت بس حبيت اوضح النقطه دي لان أنا قريت روايات صعيديه وكتابتهم كانت مختلفه لان بتختلف من بلد للتانيه..أنا بشوف كل تعليقاتكم ياجماعه بس معلش مبقدرش ارد علي كل تعليقات ..?