Dominic’s pov
HINDI maintindihan ni Dominic ang sarili kung bakit ganoon na lamang ang kanyang nararamdaman para kay Rica. Mahal na mahal niya na ang babae. Masyado ng hulog ang kanyang puso para sa babae. Dalawang araw lang na hindi nagpaparamdam sa kanya si Rica ay para na siyang nababaliw. Hindi na siya mapalagay at napapraning na siya. Pakiramdam niya kasi ay wala siyang halaga sa babae. Mukhang kakainin niya yata ang kanyang sinabi kay Madi na handa siyang pakawalan si Rica kapag pinapili siya nito. Baka maglupasay siya kapag iniwan siya ng babae.
Nagiging makitid na rin ang kanyang pag-unawa nang dahil kay Rica kaya ganun na lamang ang kanyang tuwa nang puntahan siya nito sa apartment niya. Mabuti na lamang talaga at hindi siya lumabas ng bahay dahil kung nagkataon ay hindi
