CHAPTER FORTY- EIGHT
Mari’s pov
NILAGYAN nila ng posas si Guevarra at George. Mahirap na at baka makawala pa ang mga ito. Nakaupo pa rin sa sofa ang mga ito. Nagliliyab pa rin sa galit si Gab dahil sa nangyari. Kung hindi lang lang pinigilan ni Fred ang pamangkin ay baka hindi na makaupo si Guevarra. Si Oca naman ay hindi makakilos ng maayos dahil sa pagkabigla sa nalaman. Binigyan pa ito ng tubig ni Fred para kumalma.
Umupo siya sa upuan kaharap si Guevarra at George. Ang mukha ni Guevarra ay puno ng pasa at dugo dahil sa ginawa ni Gab at Oca.
“Mari, maawa ka sa amin. Alam mong sumusunod lamang ako sa gusto ng sindikato. Alam mo rin ang mangyayari kapag hindi ako sumunod,” pagmamakaawa pa ni Guevarra sa kanya na akala mo ay dati silang magkaibigan.
Napangiti siya sa sinabi nit
