"A-Amianna?" mahinang usal ko habang hindi maalis ang tingin ko sa kan'ya.
Mabibigat ang mga hakbang na lumapit ako sa kan'ya. Bahagyang nanlaki ang mga mata n'ya nang maaninag na ako nang tuluyan. Napalunok ako at muling napatakip sa nakaawang kong mga labi dahil hindi ko inaasahan ang nakikita ko ngayon.
"O-Opo, ako po si Amianna... sino po kayo?" tanong nito sa mahinang boses.
Mas lumapit ako sa kan'ya hanggang nasa gilid na ako ng malaking kama n'ya. Tila hindi pa rin ako makapaniwala habang nakatitig sa kan'ya, tila hindi pa rin nagpo-proseso sa isip ko na siya si Amianna.
"H-Hello, Amianna... I'm sorry sa basta ko na lang pagpasok sa silid mo. Natakot ba kita?" hinging paumanhin ko sa kan'ya.
Kahit halatang nanghihina si Amianna, pinilit n'ya pa ring bumangon saka isinandal ang
