Noong una, naisip kong resulta lang ng kapabayaan ng gobyerno at kahirapan ng bansa ang mga nangyayari sa Marasubwa.
Pero dahil sa mga isiniwalat ni Baste kagabi, napatanong ako kung bakit parang walang kahirap-hirap ang operasyon ng mafia sa bansa. Kahit pa makapangyarihan sila, wala pa rin sila sa kanilang teritoryo. Kaya bakit wala silang takot gumawa ng malaking krimen? Bakit wala masyadong ingay kahit ilang beses na silang pumatay? Pinagtatakpan ba ito? May pumoprotekta ba sa kanila?
Dito ako nabigyan ng ideya na baka kakampi ng gobyerno ang Red Hand Society. Hindi ito malabong mangyari dahil tingin naman ng lahat wala kaming silbe sa lipunan – wala kaming pagkakakilanlan at maliit na porsyento lamang. Salot nga ang tingin sa ‘min dahil sa panlilimos namin para mabuhay. Kaya kung ma
