Walang segundong sinayang si Zavier pagkatapos kong pumayag magpakasal sa kanya. Bago pa man kami makauwi, kahit may iniinda ay nagsimula siyang tumawag sa iba’t ibang tao. Akala ko noong una ay tungkol lang ito sa trabaho o ‘di kaya sa mafia kaya siya nagmamadali. Pero narinig kong tila bumubuo na siya ng team para mag-ayos ng kasal namin.
Hindi ko inasahang ganito ang magiging reaksyon niya sa pagpayag ko. Ang saya lang nito sa puso dahil mas lalo kong naramdamang espesyal ako para sa kanya.
At dahil sa pagiging maagap ni Zavier, naging mabilis ang pag setup ng engagement party namin. Kahit kung tutuusin ay buwan ang kailangan para magsagawa ng ganitong event, naging posible ito lalo na sa tulong ng mga koneksyon niya.
Ngayon ay tatlong araw na lang bago ang party. Wala na akong da
