Napalunok ako pagpasok namin sa salaming pinto. Parang may nagbara sa lalamunan ko.
“Sigurado ba kayong dito ang unang lakad natin?” nakangiwing tanong ko kina Wowee at Eddie dahil pagsikat pa lang ng araw ay sa gym nila ako dinala.
Malawak ang lugar na ito at may iba’t ibang gamit na alam kong pampaganda ng katawan. May ibang tao na rito bukod sa ‘min, karamihan ay mga lalaki. Nailang nga ako dahil pagpasok namin, lahat sila’y napatingin.
“Yes, Ms. Maya. Going to the gym will be a regular part of your daily routine. It's always the very first thing you'll do each morning,” walang emosyong sagot ni Eddie. Alam kong hindi na dapat ako magulat pa rito. Binalaan naman na kasi ako ni Zavier. Kaya kagabi pa lang ay ihinanda ko na ang loob ko na hindi magiging madali ang mga susunod na araw.
