“Welcome to Red Hand Society,” bungad ni Pietro. Nakarinig ako ng palakpakan at nasilaw sa liwanag nang maalis ang tali sa mga mata ko.
Mula sa jazz music, napunta ang atensyon ko sa paligid kung saan nakatayo ang mga taong nakaitim na maskara. Pormal ang suot ng lahat – ang mga lalaki ay nakasuot ng suit, ang mga babae naman ay naka-gown. Bumagsak ang tingin ko sa sariling katawan at maging ako ay naka-gown, kulay pula at makinang ang tela ng suot ko.
Marahil ay mukha itong eleganteng pagtitipon para sa iba, ngunit para sa akin ay isa itong bangungot. Ang huling natatandaan ko ay pinatulog ako pagkatapos malagyan ng tattoo…
Inilibot ko ang mga mata ko sa paligid, umaasang makikita pa si—
Nanlamig ang buong katawan ko. Papalapit si Pietro sa direksyon ko. Kinuyom ko ang palad ko, gus
