Habang naglalakad kami ni Cecil paapunta sa apartment niya ay bigla niya akong tinanong.
"Bakit parang concern na concern ka na ngayon kay Aiko? Parang dati naman kinabu-buwisitan mo na talaga siya at tinatawag ng kung ano-ano," seryosong tanong ni Cecil.
"Naging mabait kasi siyang kaibigan sa akin. Diniretso ko na siya noon ng sinabihan ko siya nang masasama harap-harapan para magising siya sa pinagagawa niya sa atin. Sinabi niya na masyado ko raw siyang hinusgaan at kung di daw dahil sa kanya ay wala kayo ngayon dito. Puro raw kayo TNT dito sa Japan. Totoo ba 'yon mahal?".
"Totoo naman ang sinabi niya. Alam mo ba na kung wala siya ay wala ako sa kung ano ako ngayon. Alam ko na maldita talaga 'yang si madame pagdating sa opisina pero mas malambot ang puso niya kumpara sa tatay niya. Ka
