THIRD PERSON'S POV
HINDI NA MABILANG ni Sky kung ilang oras na niyang tinititigan ang babaeng kaharap. Wala siyang ibang ginawa kundi haplusin nang marahan ang malambot, tuwid at mala-tsokolate nitong buhok. Hindi rin nakalagpas sa kaniyang paningin ang mahahaba nitong pilik-mata na animo'y isang fake eyelashes na idinikit lamang. Napangiti siya nang maisip kung gaano kaganda ang mga mata ng dalaga lalo na kung nanlalaki ito dahil sa inis. Tipid siyang tumawa nang mahina upang hindi maistorbo ang pagkahimbing ng babaeng kasama. Dumako naman ang kaniyang tingin sa mala-pusa nitong ilong saka kinulbit-kulbit iyon nang bahagya. Tila pinaglalaruan ang ilong ng isang pusa. Kasunod no'n, napalunok siya nang makita ang nakaawang nitong labi. Halata ang pagkahimbing ng tulog dahil nakanganga pa i
