CHAPTER 19
CLYDE POINT OF VIEW
“Ikuwento mo sa akin ang buong detalye ng nangyari sa iyo. Malay mo, doon ako huhugot ng lakas para mas madali sa akin ang paglimot."
Tumitig ako sa kaniya. Hindi ko alam kung paano ko sisimulan. Hindi ko pa nagawang ikuwento ng buung-buo ang buhay pag-ibig ko at iniwasan kong masaling ang mga pilat ng kahapon ngunit sa kaniya, parang gusto kong ilahad ang lahat. Gusto ko ding ilabas ang lahat para kung may naiipon pa doong galit ay tuluyan ko ng mabigyang laya.
Natagpuan ko na lang ang sarili kong kinukuwento ko ng buong detalye mula kay Mark hanggang kay Lloyd. Akala ko hindi na ako iiyak pa. Akala ko tuluyan ko nang nakalimutan ang lahat ng mga iyon ngunit sa aking pagkukuwento sa kaniya ay may mga sugat ng nakaraan na sadyang hindi pa tuluyang n
