Agad nagbabaan sila sa get away vehicle nila ang apat nang marating nila ang sinabing lugar ng big boss nila.
Sinikmuraan ni Jomar ang kinidnap nilang si Claude Agramas. Pumipiglas pa rin kasi, eh. At dahil may blindfold na ito ay tinanggal na nila ang kanilang bonnet.
Napaigik ang binatang anak ng Senador.
Napangiwi naman si Faith. May konting awa siya para kay Claude. Pero wala naman siyang balak traydorin ang mga kasama. Wala siyang balak iligtas ito. Saka okay lang na maranasan konti ni Claude ang paghihirap para naman mabawasan konti ang kaangasan at kayabangan nito kapag ito ay tinubos na. Kung tutubosin nga ng ama.
"Tara!" Kinaladkad ni Jomar at Jay-r ang binata papasok sa isang lumang bodega.
Malikot ang tingin niya habang nakasunod siya sa tatlong binata. Naisip niya, kung ga
