Nanlumo si PO1 Caren Tejo pagkakita niya sa kanyang kasamahang pulis na si PO2 Mark Rodriguez na wala ng buhay. Binaril nito ang sarili sa pamamagitan ng pagsubo ng kanyang baril. Nagkalat ang dugo at mga piraso ng kanyang utak sa dingding ng opisina. Marahil ay nawalan na rin ng pag-asa si PO2 Rodriguez lalo na sa mga nangyayaring kababalaghan sa paligid.
Kaagad na hinanap ni PO1 Tejo ang mga bata. Pero walang bata ang nasa loob ng kuwarto. Nakita niya na bukas ang likurang pintuan ng opisina, maaaring doon lumabas ang mga bata para tumakas. Nasa panganib ang mga bata kaya kailangan niyang iligtas ang mga ito. Hindi na nagdalawang isip pa si PO1 Tejo kaya binuksan niya ang drawer ng cabinet sa loob ng opisina at kumuha ng mga bala. Inilagay niya ang mga iyon sa kanyang bulsa at i
