HABANG nanonood ng TV sina Mad at Haze ay bigla na lang silang napatingin sa isa’t isa at ang kinakain nilang tsitsirya ay kanilang nabitawan. Napansin naman ito ni Sandra at nabigla rin naman siya sa ikinilos ng dalawa na kanina pa niyang inoobserbahan. Tila kasi naging seryoso ang dalawa at ang siya nga ay medyo naguluhan dahil unti-unti ring tumingin ang mga ito sa kanya na tila ba may hindi magandang sasabihin.
Sinupladahan nga ni Sandra ang dalawa, tutal, si Saber din naman daw ito.
“May problema kayong dalawa?” wika ng dalaga at imbis na mas lalong maging suplada ay parang kinabahan siya sa titig ng dalawa sa kanya. Marahan nga siyang napatayo at napalayo sa mga iyon.
“Hoy! May masama ba kayong balak? Itigil ninyo iyan! Hindi ganiyan si Saber!” bulalas ng dalaga na napapatingin di
