KINABUKASAN, makikita nga sa pier ng Calapan sina Haze at Mad na seryosong nag-oobserba rito. May iba kasi silang kailangang gawin ngayon at sa kabilang probinsya nila ito gagawin. Balak kasi nilang pumunta ng Batangas upang doon magmasid at hanapin ang mga Eternity.
Seryoso lang na nakaupo si Haze sa gilid habang ang gwapito at naka-shades namang si Mad ay tahimik na pinagmamasdan ang paligid. Magmula sa mga pumapasok, sa mga lumalabas, at maging sa mga bantay sa lugar na ito. Mukhang kailangan daw talaga niyang gamitin dito ang kanyang kapangyarihan, at nakapili na rin sila ng barko na sasakyan pagtawid sa kabilang isla. Pinili nila ang maliit na sasakyan sa dulo at may napadaan pa ngang ilang pasahero sa tapat nila at nilaglagan ng barya si Haze na para nga namang nanghihingi ng pera s
