ILANG araw na rin ang lumipas matapos ang nangyaring pagsabog ng isang fastfood chain sa Calapan. Tila nga unti-unti nang bumabalik sa dati ang galaw ng mga tao sa Poblacion. Dalawang araw ring nawalan ng pasok ang lahat ng paaralan dito at ngayon nga ay muli nang nagbabalik ito. Ipinaubaya na lang ng mga taga-lungsod ang kaligtasan nila sa mga pulis at sundalo na nagroronda rito mapa-umaga man o gabi.
Araw iyon ng Huwebes at si Saber lang ang naiwan sa bahay ng mga Legazpi. Wala rin siyang ibang pupuntahan ngayon, dahil nagpaalam din sa kanya si Father Arnel kahapon. Babalik daw muna ito sa dimension nila at upang mas maging ligtas siya roon. Ito raw ang kautusan ni Lior sa kanila. Magkakaroon nga rin ng malawakang pagsasanay ang lahat ng mandirigma roon. Kung sakali naman daw na ipatawa
