NAKA-ALERTO na nga ang sandatahang-lakas ng Pilipinas dahil sa nangyaring iyon sa dagat sa pagitan ng Batangas at Mindoro. May ilang mga video nga ang kumakalat sa social media ang nagpapakita na may mga lumilipad na nilalang daw na naroon nang mga oras na iyon. Maging ang International Medias nga ay naging interesado rin sa pangyayaring iyon na tila nangangailangan talaga ng masusing paliwanag. Hindi raw kasi ito basta maipaliwanag ng siyensya at medyo nakapagbigay rin ito ng takot sa mga taong naninirahan malapit doon.
Sa bahay nga ng mga Legazpi ay ito na kaagad ang topic nang gabing iyon. Nanonood nga silang tatlo ng balita nang ipakita ang isang video na kuha ng isang mangingisda. May mga videos din mula sa pasahero ng mga barko mula sa malayo, pero hindi ganoon kalinaw ang kuha nito
