RHIAN
Nakahinga ako nang maluwag nang dumating ako sa bagong school ko ng hindi late. At may thirty minutes pa bago mag-start ang first subject ko. Ang sabi naman ng ibang estudyanteng nakausap ko, `pag first day daw, hindi `agad nag-uumpisa ang klase dito sa Greenwood University.
Dahil nga maaga pa at nasa ground floor lang naman ang classroom ko, na alam ko na rin kung nasaan, naglibot-libot muna ako sa campus. Hindi ko tinanggal ang suot na salamin at scarf kaya nagmukha lang akong normal na estudyante. Pero kung hindi ko suot ang mga ito, siguradong pagkakaguluhan na naman ako.
Nagtext ang bestfriend kong si Matet na on the way na raw siya kaya nagdesisyon akong hintayin na lang siya. At saka mahaba pa naman ang oras ko. Pupuntahan ko muna ang mga lugar dito sa campus na hindi ko
