RHIAN
"Zeph, puwede bang sabihin mo sa akin kung anong nangyayari? Kung bakit halos tatlong oras na, hindi pa rin nagigising si Ehran." Mangiyak-ngiyak na tanong ko kay Zephyr nang sundan ko siya sa veranda.
Simula kasi nang iuwi ko si Ehran kanina galing tree house na walang malay, hanggang ngayon, hindi pa rin siya nagigising. At walang eksaktong nakakapagsabi saken kung bakit. Wala pa man din si Queen Mecca. Pagkatapos na pagkatapos daw ng meeting kanina ay umalis siya kasama ang iba pang matataas na konseho. Gagawa raw sila ng paraan para makontak si Superiur Michael.
"Ito ang napapala ng katigasan ng ulo niyo. Lalo na ng katigasan ng ulo mo." Pigil ang galit na sagot ni Zephyr. "Hindi ba ilang beses ko na kayong sinabihan sa pagtakas-takas niyo? Nangako kayo, `di ba? Pero anong gin
