EHRAN
"Katulad ng sinabi ko sa'yo kanina, kapatid, naiiba itong misyon mo kaysa sa ibang mga katulad mong Kerrier." Sandali kong naialis ang tingin sa mukha nila ni Rhian at Zephyr na nasa Quelle at kunot-noong humarap uli kay Superiur Hades. Actually, kanina pa ako nahihiwagaan sa sinasabi niyang "naiibang misyon" ko. Lalo tuloy akong kinabahan na hindi ko maintindihan. Lagi namang kakaiba ang mga naging misyon ko sa lupa. Pero mukhang mas kakaiba nga yata itong secularibus curis ko. "Hindi lihim sa aming lahat ang naging kaugnayan mo sa babaeng nakikita mo ngayon sa Quelle, kapatid. Alam namin na noon pa man, espesyal na siya sa'yo. K-kaya naging mahirap sa amin ang pagbibigay sa'yo ng misyong ito. Lalo na sa akin, kapatid. Alam mong isa ka sa pinakamagaling na Kerrier. At hinahangaan k
