THERESE'S POV
NAILANG AKO SA paraan ng pagtingin sa akin ni Ross nang sabihin niya iyon. Para bang gusto kong tumakbo palayo at hindi magpakita sa kaniya. Bigla akong nahiya sa hindi malaman na dahilan. Bigla akong na-conscious sa itsura ko. Kung maayos ba ang mukha ko, kung may suklay ba ang buhok ko, kung may kilay ba ako, kung maputla na ba ako. Hindi ko alam…
Pero isa lang ang sigurado ako…
Kinakabahan ako ngayon.
"A-Ang arte mo!" kunwaring naasar na sabi ko.
Tumawa naman siya nang bahagya, agad ko siyang nilingon dahil automatic na iyon sa akin. Akalain mong kahit sa madilim, kitang-kita ko kung gaano siya kagwapo lalo kapag tumatawa.
"Totoo naman, ah?"
Tinarayan ko siya. "Ewan ko sa iyo."
Hindi naman na siya sumagot pagkatapos niyon. Tahimik lang naming dinama ang magandang m
