Marahan napabuntunghinga si Blessy nang magpaalam sa kaniya si Fender kinabukasan. Luluwas ito ng Maynila kasama si Uno at may personal na aasikasuhi. Nag-aalala siya. Hindi sa kaligtasan nito kundi sa isipin na baka makalimutan siya nito ulit.
“I’ll be back as soon as I can, I promise.” Ginanap ni Fender ang kaniyang dalawang kamay at hinalikan iyon.
Tumango siya. May tiwala siya sa lalaki, sa sarili lang niya wala. Natatakot siya. Nag-alala. Maraming agam-agam sa kaniyang puso habang nakatingin sa binata.
“Baka—”
“Bukas din ay babalik agad ako. Pagkagising na pagkagising mo, nasa tabi mo na ako at malambing na nakayakap sa ‘yo.”
Napangiti siya sa sinabing iyon ni Fender. Alam talaga nito paano kunin ang kaniyang loob at kung paano siya pangitiin, wala pa rin nagbago.
“Okay. Basta m
