-
REIGN
Hindi ko alam kung ilang oras na ba akong nakahiga roon at nakatulala sa kawalan. Kundi ko lamang naramdaman ang pagkirot ng likod ko ay hindi ko pa magagawang kumilos.
Bumangon ako at hinanap ang tshirt na ngayon ay nakakalat na sa sahig, maingat ko itong sinuot at bumaba sa kama. Marahan akong lumapit sa bintana para tingnan kung makakauwi pa ba ako ngunit sa sobrang lakas ng ulan at hangin ay alam kong hindi na. Sinara ko ang kurtina at nilibot ang tingin sa buong kwarto niya.
Ilang beses na nga ba ako pumupunta rito? Nasasanay narin ako na pumapasok rito. Dito lang rin naman siya madalas pumunta, hindi ko nga alam kung ilang beses siyang umuuwi sa kanila. Selene didn't know this place. No one in his family knew. Hindi ko nga alam kung bakit ako lamang ang dinala niya rito.
