WILLFAE
Isang mahigpit na yakap ang nagpagising sa akin, hindi na ako makahing. May kabigatan din ang kung sinong nasa ibabaw ko.
"Nghh!"
Iminulat ko ang mga mata nang marinig ang pag-ungol ni William pati na rin ang pahigpit nang pahigpit na yakap nito. Marahan at tahimik akong naupo habang patuloy na pinapanood ang tulog na si William. Agad kong hinaplos ang ulo nito nang maramdaman ang nanginginig nitong katawan.
Nagsalubong ang mga kilay ko nang mapagtanto na hindi na normal ang ikinikilos nito. Inilapat ko ang kanang palad ko sa noo nito at pinakiramdaman.
"Hala! May lagnat ka!" balisa kong ika.
Inangat ko ang mukha nitong nakasubsob sa puson ko.
"William?" tawag ko sa kanyang pangalan, baka binabangungot pa siya dahil mukhang nananaghinip siya.
Tinapik ko ang pisngi nito
