TAMA nga ang hinala ni Zoe tungkol sa mga pinsan ni Ethan. Mababait at mabibilis pakibagayan. Sadyang makukulit at malakas lang talagang mang-asar. Pero nasasakyan naman niya. Bigla tuloy niyang na-miss ang mga kapatid na sina Zhang at Qui.
"Sana all iniisip," pabirong untag sa kaniya ni Ethan nang kalabitin siya nito. "O baka naman ako ang iniisip mo at ang nangyari kanina?" bulong nito sa gilid ng tainga niya.
Pasimpleng siniko ni Zoe ang binata. Nag-alala kasi siya na baka marinig sila ng mga pinsan nito na kaharap pa nila sa sala dahil katatapos lang nilang mag-almusal. Pero abala ang mga ito sa kaniya-kaniyang cellphone. May nagmo-Mobile Legends at nagpi-f******k.
"Shut up. Kung ayaw mong uulanin na naman tayo ng tukso ng mga cousins mo," she whispered too.
"Hayaan mo sila..." Na
