"ETHAN!"
Nagulat si Ethan sa biglang pagtawag na iyon sa kaniya ni Zoe. Sa sobrang pagkabigla ay nabitiwan niya ang hawak na turnilyo at gumulong iyon sa ilalim ng malaking truck na kinukumpuni niya. Kailangan pa tuloy niya iyong gapangin at hanapin kung saan-saan.
Gumagapang na siya palabas mula sa ilalim ng sasakyan nang tawagin naman siya ng dalaga. Malakas at sunod-sunod. Sa sobrang pagkataranta ay nauntog tuloy siya.
"Puntahan mo muna ang baby girl mo, bossing. Mukhang kanina ka pa nami-miss," biro sa kaniya ni Betong.
"Mukhang artistahin ang bago nating chika babe, bossing, ah." Ngingisi-ngisi naman si Dagul.
Sa anim niyang mga tauhan, itong dalawa ang pinakamalapit kay Ethan at parang pamilya na niya kung ituring. Ang mga ito ang kasama na niya noon pa mang nagsimula siya s
