ANG akala ni Zoe ay lalabas pa sila ng Makati. Pero dinala siya ni Ethan sa isa sa pinakamahal sa subdivision sa lugar na iyon na katulad ng tinitirhan din nila. Kaya hindi na siya nagulat nang makita ang bahay nito na halos kasinlaki at kasingrangya din nang sa kanila.
"Come on..." Masuyo siya nitong hinila sa kamay palabas ng Limousine. Ni hindi na nito hinintay na pagbuksan sila ng driver.
Kaagad na yumakap si Ethan kay Zoe nang makababa sila. At nang makarating naman sila sa tapat ng maindoor ay inakbayan siya nito at iginiya papasok. Todo-alalay ito sa kaniya na para bang takot na takot na matapilok siya.
"You really own this house? O pamana sa'yo ng Daddy mo?" tanong ni Zoe habang binubuksan nito ang automated door. Kaya siguro walang katiwala na sumalubong sa kanila.
Pero an
