HINDI alam ni Zoe kung paano siya nakauwi. Para siyang hangin na lumulutang lang nang dumating siya sa bahay nila at pabagsak na umupo sa sofa sa sala.
Hanggang ngayon ay hindi pa rin siya makapaniwalang naging tanga siya sa loob ng mahigit isang taon na relasyon nila ni Gerard. Ni minsan ay hindi sumagi sa isip niya na posibleng pamilyadong tao na ang ex-fiance niya.
Kaya ba masiyado itong masikreto na kahit siya ay bawal pakialaman ang mga personal nitong gamit? Posible rin kayang alam ng mga katrabaho nila sa New York na may pamilya na ito kaya ang iba ay disgusto sa relasyon nila?
Sh*t! Napamura sa isip si Zoe nang maalala ang araw na balak na niyang isuko noon ang sarili niya kay Gerard dahil naaawa na siya.
Muntik na siya. Mabuti na lang talaga at hindi iyon nangyari. Mas malak
