Revenge of a Battered Wife
By: JOEMAR P. ANCHETA (Pinagpala)
CHAPTER 40
Ilang umaga ding ginawa namin ang pag-eensayo sa martial arts kasama na ang mabilisang pag-akyat at pagtatago. Mabilis naman akong natuto. Pakiramdam ko nga kaya ko na pero ayon sa kanya, kulang na kulang pa. Kailangan ko pang maging bihasa sa ilang mga bagay na hindi pa namin napag-aaralan pero isang misyon ang pinagagawa sa akin para patunayan sa kanya na kaya ko nang magtago at umakyat ng mabilisan at di napapansin.
“Ngayong gabi, may mahalaga kang gagawin. Papasukin mo si Jaxon at gusto ko matakot mo siya. Gusto kong maramdaman niya na kaya mong pumasok sa bahay niya at kaya mong magtago. Pagkakataon mo na rin ito para makita ang kagalayan ng Tatang mo, si Emma at ang anak ninyo.”
“Itataka
