TINA
Pumayag sila Nay Lorie na isama ko sa bayan sila Anew at Lorelai para makapag hanap sila ng trabaho at mamuhay ng normal na dalaga kagaya ng iba. Nangako ako sa kanila na ako ang bahala sa dalawa kong kaibigan at hindi ko sila pababayaan. Habang wala pa silang trabaho ay sila muna ang magtotoka sa bahay pero bibigyan ko sila ng sweldo. Malaki naman ang sahod ko kay Mayor kaya pwede ko itong ishare sa kanila.
Hapon na ng umalis kami sa bahay nila Nay Lorie at Tay Berto. Mabuti na lang talaga at hindi ako nag inarte kay Mayor na maging driver namin ang driver niya ngayong araw.
"Tina, thank you at napapayag mo si Nanay na isama mo kami sa bayan at tumira kasama mo." wika ni Lorelai.
"Oo nga Tina buti pumayag si Inay na isama mo kami, excited na akong makakita ng madaming boylet na
