(Anicka)
Hindi ko alam kung bakit pati ako ay kailangan pang ipatawag ng abogado ni Don Eduardo. Kasama kong pumunta sa malaking mansyon ng mga Deo Gracia sina Shawn at Lily. Hindi ko kasama ngayon si Franco dahil may mahalaga syang trabaho sa Manila.
Agad kaming lumabas mula sa kotse nang narating na namin ang malaking mansyon.
Sabay kaming naglalakad ng aking anak habang nakahawak ako sa kanyang kamay, nakasunod lang sa amin si Lily. Nakangiting mukha ni Gregory ang naghihintay sa amin.
“Hi!” matipid na bati ni Gregory sa amin. Ngiti lang ang isinagot ko sa kanya. “Hindi mo yata kasama si Franco.” Puna nya.
“Kailangan na nyang lumuwas sa Manila, may trabaho pa sya doon.”
“Oh I see!” aniya saka sya napa- squat para pantayan ang aking anak. “Hi Shawn, how are you?” nakangiti nyang ba
