Ang tunog ng putok sa telepono ay nagpaikot sa mundo ni Gael. Halos mawalan ng malay sa pagsigaw ng pangalan ni Kira sa walang sagot na linya.
Nang magkakasama sila sa command center, ang bawat mukha ay puno ng pangamba.
"Kailangan nating malaman kung buhay siya," sabi ni Gael, ang kanyang mga kamay ay nanginginig. "At kung sino 'yong lider na sinasabi niya."
"Pero paano?" tanong ni Junior. "Switzerland ang location ng tawag. At kung may organization na mas malaki sa Ghost King, baka mas malalim tayo sa butas kaysa inakala natin."
Samantala, si Jessica at Jayden ay nagpaplano na para sa paglipad. Ang mga bata ay ipapadala sa isang secure na safe house sa Palawan kasama sina Veronica at Amber, at may NICA agents na magbabantay.
"Pero hindi pwedeng basta-basta tayong pumunta sa Switzerl
