Ang recording ay parang kulog sa tahimik na gabi.
Nakatitig si Jessica at Jayden sa speakers ng laptop, habang paulit-ulit na naririnig ang boses na kanina pa nila kilala—malalim, matalino, at ngayon ay puno ng pagkakanulo.
"Paano natin sisiguraduhin na hindi magiging problema si Eduardo?"
"Si Eduardo ay hawak natin. Kapag hindi siya sumunod, lalabas ang totoo tungkol sa kanyang ina."
At pagkatapos, ang tugon:
"Sigurado kayo diyan? Kasi kung mag-doubt si Jessica, delikado ang posisyon ko rito."
Ang boses ni Rafael.
Walang pag-aalinlangan.
Nakatayo si Jayden nang walang imik. Parang sinaksak ang puso niya nang walang awang patalim. Si Jessica naman ay hindi umiyak—nag-init ang dugo niya.
"Kailangan natin siyang harapin. Ngayon," anito, mahinahon ngunit may lamat sa boses.
"Paano,
