“Eva, tumayo ka na dyan anak. Mag almusal na tayo. Maaga kaming aalis ng tatay mo dahil mamimili kami ng mga pagkain sa malaking bahay.”
Sigaw ni nanay mula sa labas ng aking pintuan. Gustuhin ko man na sumagot, parang masakit ang lalamunan ko. Siguro ay dahil sa kakasigaw ko kagabi. Hindi ko rin maigalaw ang katawan ko dahil masakit.
“Hay! Bahala ka nga, basta anak kumain ka na lang kapag nagising ka. Mamaya lang pagkatapos namin mag-almusal ay aalis na kami.”
Sigaw pa ni nanay na hindi ko na lang pinansin, inabot ko ang aking bag na dala mula sa syudad at kinapa ko ang medicine kit. Nakakuha ako ng pain reliever kaya binuksan ko at paika-ika ako na tumayo papunta sa pintuan. Narinig ko ang pag kabig nila nanay ng pintuan, hidyat na nakalabas na ang mga ito. Kaya't lumabas na din ak
