Chapter 76
Aliyah Veda Gonzales
PAGKATAPOS naming kumain, sabay na kaming lumabas ng bahay. Tahimik ang biyahe papunta sa school ni Jaxx, pero ramdam ko ang bigat ng umaga, parang may nakabitin sa hangin na hindi ko maipaliwanag.
Pagkahinto ko ng sasakyan, hindi pa man siya bumababa ay bigla niya akong inabot. Sunod-sunod ang halik niya sa pisngi ko, sa noo, sa labi, halos hindi ako makahinga.
“Mama,” sabi niya, seryoso pero may lambing. “I’ll study hard. Promise. Kasi… nandito ka na eh.”
Napangiti ako. “Yan ang gusto ko kay Jaxx,” sagot ko, hinahaplos ang buhok niya.
Tumango–tango siya pero bigla siyang tumigil parang may naalala. Tumingin siya sa akin, masyadong malalim para sa isang batang kaedad niya. “Mama,” mahina niyang dagdag, “galit ako kay Johan. Really. Pero… please, don’t
