Chapter 43.02
Aliyah Veda Gonzales
PAGKATAPOS ng opening production, halos sumabog ang ingay sa backstage. Pawis lahat, halu-halo ang emosyon, pero habang nag-aayos ako ng robe ko, napako ang tingin ko sa isang eksena sa gawing kanan.
Si Johan. Nakayuko si Terry sa harap niya.
At si Johan, galit. As in hindi yung normal niyang irritable mood... iba. Mas mabigat. Mas mapanganib. Hindi ko marinig ang sinasabi nila, pero sapat na ang ekspresyon ng mukha ni Johan para umurong ako nang kaunti. Kita ko ang paraan ng pagkuyom ng kamao niya, yung tikas ng panga niya, at ang bagsik ng mga mata niyang parang nanlilisik.
A few seconds later bigla na lang siyang tumalikod.
Diretso palabas.
"J–Johan!" tawag ni Gillian sabay habol sa kanya.
Pero hindi man lang siya nilingon. Wala. Deadma. Dire-d
