Chapter 56
Aliyah Veda Gonzales
TUMAYO ako mula sa kinauupuan ko at pilit na inayos ang mukha ko. “Mag–comfort room lang po ako,” paalam ko, sabay ngiti kay Doñya Carmelita at kay Lolo Delfin.
Hindi sila nagduda.
Si David lang ang tumingin sa’kin nang matagal, parang may nabasa sa kilos ko. Tumayo rin siya. “Samahan na kita,” alok niya, mahinahon pero alerto.
Umiling ako agad. “Okay lang ako, David. Saglit lang ’to.”
Hindi na siya nagpumilit. Tumango na lang siya, pero ramdam ko ang tingin niyang nakasunod sa’kin habang papalayo ako.
Sa likod ako dumaan, palabas ng building. Lumanghap ako ng hangin, malalim, parang naghahanda ang puso ko sa isang bagay na matagal nang hinihintay. Dumiretso ako sa paradahan ng tricycle at agad nakipag-usap sa driver.
“Kuya, sa race field po,” sabi k
