"Nasaan tayo?" tanong ni Serfina.
"Tarmon," sagot ni Asyanna at masusing tiningnan ang masukal na lugar.
Madilim ito kagaya ng Eshner. Hindi tulad ng nasabing gubat, maliliit ang puno sa Tarmon. Ngunit, sagana sa mga halaman.
"Anong parte ng Azthamen ang Tarmon?" usisa naman ni Sheena dahil unang beses pa lang niyang makarating ng Tarmon.
"Hilaga-hilagang silangan," sagot ni Asyanna.
"Bakit alam mo ang bagay na iyan, Asyanna?" nagtatakang tanong ni Serfina.
"Nakalimutan mo na ba? Dati akong heneral ng Rebellion. Alam ko ang bagay na ito dahil sinabi sa akin lahat ni Necós ang mga tagong kuta ng Rebellion," sagot ni Asyanna.
"Hangal yata si Necós—"
"Teka!" suway ni Asyanna at pinakinggan ang kaluskos sa paligid.
Mahina lang ito at dahan-dahan. Tila ayaw nitong magpahuli.
"Sheena,
