"Tara na!" nakangiting aya ni CJ kay Jordan na agad namang kumapit sa kaniyang kamay.
"Sandali!" natitilihang pigil ng nurse na si Stella.
"Why, Stella?" Malambing ang dating sa pandinig ko ng tono ng panananong ni CJ kay nurse Stella.
"Saan kayo pupunta?" kunot-noong tanong ni Stella na tila naiirita sa nakikitang paghawak ni CJ sa kamay ng aking anak.
Medyo nakaramdam ako nang pagkairita sa babae dahil sa paraan nang pagkakatitig niya sa magkasiklop na kamay ng dalawa.
"Ihahatid ko na sila pauwi sa kanilang bahay," ani ni CJ.
"What?!" gulat na bulalas ni Stella kasabay nang pagtaas babang tingin nito sa akin.
"Ihahatid mo sila pauwi ng bahay kahit sinampal ka na niya?" natitilihang tanong pa nito.
Kumamot pa muna si CJ sa kaniyang ulo bago nagsalita.
"Gumagawa lang ako ng pabo
