“Ate! Miss na miss na kita! Nakabili na ako ng mga bagong sapatos,” sabat niya. Tumawa ako dahil inagaw ata niya ang telepono kay nanay Lita.
“Luisita! Pagbutihin mo ang pag-aaral, lagging aalagaan si nanay Lita!” sigaw ko habang nakangiti. I’m so proud of them, hindi lang siya.
“Opo, ate! Mag-ingat ka diyan! Bye!” sabi niya at nagpaalam.
“Bye, ikaw rin.”
“Nay, o, ikaw naman ang kumausap kay ate,” narinig kong bulong niya. Narinig ko ang pagtawag ni nanay sa ‘kin hudyat na nasa kaniya na ang phone.
Narinig ko ang pagbuntong hininga niya, “Maria, okay ka lang ba diyan? Kamusta ang sir mo?” tanong niya. Natigilan ako sa pagtutupi at hinawakan ng maayos ang phone. Bumagsak ang balikat ko.
“Mabuti naman po. Si sir ho? Gano’n pa rin, e. Hindi pa rin talaga siya lumalabas,” kuwento k
