*James POV*
Ilang araw na ba ang lumipas mula nang makabalik kami dito? Hindi ko na rin kasi mabilang kasi sa panahong nasa ospital kami ay laging ICU ang pinupuntahan ni Aileen.
Nahihirapan din siya at nasasaktan ako doon. Umiiyak siya kada lalabas siya ng bigo sa ICU dahil hindi man lang gumalaw si Gabbie. Si Rafael naman, ilang araw ng lugong-lugo dahil alam kong nahihirapan siya. Nawalan siya ng anak at may posibilidad na mawala rin si Gabrielle.
Si Russel ay inaayos pa ang kaso dahil kahit siya ay nahihirapan din. Huminga ako ng malalim, kailangan maresolve agad ito. Naaawa na ako kay Raf at Aileen.
Mula sa pagkakasilip ko sa bintana ng ICU ay tumayo na si Aileen sa kinauupuan niya at lumakad papalapit sa akin. Pinunasan na naman niya ang mata niya at iyon ang ayokong nakikita
