Book 2 - Sandra 3
“Umanges ka ti nauneg,” malambing na utos ni Sandra sa batang ineeksamin habang itinatapat sa dibdib nito ang stethoscope. Matapos ang ilang sandali ay kumuha siya ng mga tabletas at botelya, saka ibinigay sa inang kasama ng batang pasyente. “Salamat po, Doktora,” nahihiya pang sabi ng ina. “Basta huwag ninyo lang pong pababayaang maglaro uli sa ulanan iyang bata. At lagi ninyong titingnan ang likod kung hindi natutuyuan ng pawis ‘pag naglalaro. Mahina kasi’ng pulmonya kaya ganyan.” Ilan pa ang pasyenteng sumunod sa pila. Ang iba’y matatandang kundi man hikain ay alam niyang sa baga ang sakit. At naiiling na lang siyang dahil hindi na halos makahinga sa karamdaman ang iba ay naninigarilyo pa habang naghihintay ng oras na ang mga ito naman ang matingnan. Gayunman ay matiyaga pa rin niy
Great novels start here
- Writer
