رواية غلطة أخي

الحلقه الخامسة و العشرون

الحلقه الخامسه و العشرون من رواية

غلطة أخي

بقلمي : عبير سليم

???????

يا لها من حسرة تدخل القلب و تملؤه بالاوجاع و الآلام عندما نشعر ان من احببناهم و منحناهم حياتنا أصبحوا هم من يسببوا لنا الأوجاع و الاهات

تريد أمينه ان تخفف عن هند بكلمات تجعلها تشعر بمزاح زوجها معها و لكن هل هو يستوعب ذاك الأمر لا بل هو بعيد كل البعد عن ذاك الأمر

عبد الوهاب و هو بيمد ايده في الطبق و بيضحك : مش جوي اجده يا ما احسن تصدج

أمينه : طب و ربنا كداب في اصل وشك امال مين اللي كان واجف يعيط كيف العيال الصغيرة جدام اوضة العمليات و هي بتولد

عبد الوهاب : اه دي تلاجي بس حاجه كانت داخله في عيني و اللا حاجه وجتها

هند : شفتي يا عمتي شفتي كلامه ماسخ ازاي

أمينه : في إيه بس يا حبيبتي و النبي بيحبك و بيموت فيكي كمان بس هو اللي ع**طه و مبيعرفش يتكلم كلمتين حلوين على بعض

هند : اه ميعرفش يجول كلمتين حلوين صح لكن يعرف يجول كلام يحرج الدم مش أجده

عبد الوهاب : ييه بجى ما تجفلي بجى عاد عالحديت الناسخ ديه

امينه : ما تتلم بجى يا زفت انت هو محدش، مالي عينك و اللا ايه عاد

حامد : بجولك ايه يا حاجه سيبك من حديتهم الماسخ ده ما احنا كل يوم و التاني في مشاكلهم دي اللي ما بتخلصش

أمينه : طب هات سجده عنيك عشان تعرف تاكل

حامد : لا سيبيها على رجلي انا مبعرفش اكل غير و هي على رجلي

عبد الوهاب : سبحان الله مش دي اللي انتي مكنتش طايجها و لا طايج تبص في وشها اول ما اتولدت ديه اني كنت بجول انك حتخ*فها و تفحت و تردم عليها التراب

أمينه : ايه كلامك الأهبل ديه يا بني آدم انت ده ما اعز من الولد الا ولد الولد يا عبد الوهاب

عبد الوهاب : لا و حياتك يا اما هو مارضاش عنيها غير لما سميت البت سجده على اسم امه وجتها نلنا الرضا الحمد لله

حامد : سجده دي حبيبة جلبي من جوة و انت تطلع منيها ملكش صالح انت فاهم و اللا مبتفهمش

هند : اني بس مستغربه من حاجه يا ابوي

حامد : مستغربه من أيه يا هند

هند : هي ازاي امك الله يرحمها كان اسمها سجده و هي من زمان جوي

حامد : على اساس ان حد جالك ان امي من أيام فحت البحر إياك

عبد الوهاب : ههههههههه لا حلوة يا بوي

هند : انت زعلت يا حاج ده اني بستفسر بس اصل سجده يعني اسم لسه جديد و طالع موضه يبجى كيف امك كان اسمها سجده

حامد : اصل ابوها

عبد الوهاب : اللي هو جدك يعني

حامد : ايوة يا ابو الذكاء جدي الف رحمه و نور تنزل عليه كان بيصلي وجت ما كانت جدتي بتولد امي و و هو ساجد سمع صوتها و هي بتعيط جام سماها سجده

عبد الوهاب : ياااه دي حكايه مؤثرة جوي يا ابوي تصدج الدمعه حتفر من عيني

حامد : جوم امشي من جدامي يا زفت الطين انت جتك الهم فيك و فخلفتك اللي ما يعلم بيها غير ربنا

عبد الوهاب : بجي أجده طيب عالعموم احسن بردك

يعلن تليفون حامد عن اتصال فيرد: السلام عليكم و رحمة الله و بركاته

ازيك يا حمدي يا اخوي كيفك و كيف ولادك عاملين ايه يا رب تكونوا كلكم بخير

حمدي : احنا بخير و الله يا حامد

حامد بنتي تقى اتقرت فاتحتها امبارح

حامد : بتك تجى اتخطبت و اتجرت فاتحتها

بسم الله ما شاء الله الف مب**ك يا خوي ربنا يتمم على خير

بس المهم اتخطبت لحد زين أجده

حمدي : ايوة خطبها ابن جاري و صاحبي و عشرة عمري و هو شاب زي الفل و بيشتغل مع مصطفي ابني في البنك

حامد : طيب تمام جوي ربنا يكمل على خير و عجبال ما تفرح باخواتها هما كمان

حمدي : في حياتك يا اخويا ان شاء الله حتيجي في الخطوبه مش كده

حامد : طبعا حنيجي في الخطوبه اكيد دي بت اخوي و احنا اخوات يا حمدي و الضوفر ما يطلعش من لحمه

المهم عينك عليهم إياك تأمن و لا تسيبهم لوحدهم لحد ما تبجى في بيته

حمدي : ما تخافش يا حامد احنا صعايده و نعرف الاصول كويس

يقفل معاه الخط

أمينه : تقى اتخطبت ما شاء الله

عبد الوهاب : تلاجيها بجت كيف الجمر

حامد : هي جمر كيف امي الله يرحمها

هند : هي مين دي اللي جمر يا راجل

عبد الوهاب : تجى بت عمي حمدي تعرفي انها المفروض كانت تبجى من نصيبي بس يا للا كل واحد بياخد نصيبه

هند : و انت مالك بتتكلم و انت مضايج اجده

و بعدين ما نت خدت نصيبك خلاص يجى ترضى بيه و تحمد ربنا

عبد الوهاب : نصيب ما يعلم بيه إلا ربنا اني جايم ماشي

يقوم عبد الوهاب و يخرج

هند : عاجبك أجده يا عمتي شايفه ابنك بيعاملني كيف

أمينه : بصراحه معاه حج يا بتي انتي معارفاش ت**بيه و لا تاخديه في صفك طالعه هبله مش واعيه كيف اختك

هند : و انتي عايزانى اعمل ايه بس ماني خدماه و شايفه كل طلباته

امينه : جصدك الاكل و الشرب و الغسيل يا ع**طه عبد الوهاب ابني بيحب الدلع عايز واحده تدلعه و تبسطه و هو وجتها لو طلبتي منيه نجوم السما حيجيبها لك

هند : يعني ارجصله اياك

أمينه : و ما ترجصيش ليه عاد هو مش جوزك و ده حجه عليكي ترجصيله و تفرحيه

هند : طب و اني حرجص ازاي و اعمل ايه بس ماني تعبانه و الحمل تاعبني و مملاحجاش على سجده و حامد و كمان اللي جاي

حرجص ازاي و اني بمنظري ديه

امينه : و هو انتي اصلا رجصتي في الأول لما حترجصي دلوجتي انتي اللي عامله في نفسك اجده

منها لله امك هي السبب و انتي ماشيه وراها من وجت ما دخلتي عماله تخلفي في عيال و خلاص

و لا مهتميه بنفسك و لا بجوزك

ده اني يا للي من زمن لما ربنا رزجني بعبد الوهاب و عبد الرحمن حمدت ربنا و جلت الحمد لله عليهم

و انتي من يوم ما اتجوزتي يا حامل يا بترضعي و هو زهج يا حبة عيني

و كمان تخنتي جوي ده انتي عديتي المية كيلو و انتي لسه صغيرة و هو اصلاً مبيحبش التخن

هند : يعني اني اعمل ايه دلوجتي

اولع في نفسي و اللا أجوم ارمي نفسي من السطوح عشان خاطركم

امينه : انتي شايفه ان هو ديه الحل عاد

و لما تولعي في نفسك و اللا تموتي روحك مين اللي حياخد باله من عيالك محدش بيحب العيال جد امهم يا هند يا بتي

ربنا يخليكي ليهم و محدش يربيهم غيرك يا هبله

هند : طيب جوليلي اعمل ايه عاد

امينه : لازمن تخسي و تاخدي بالك من جوزك بدل ما يلاجي اللي تخللي بالها منيه

هند : انتي تجصدي ايه يا عمتي

امينه : اجصد انك لو ما نتبهتيش لحالك و لجوزك حتلاجي اللي تاخده منك و وجتها متلوميش، غير نفسك و عجلك في راسك تعرفي خلاصك

فهمتي يا بت اخوي و اللا اجولك روحي لأمك و هي تفهمك

ديه لو كانت هي بتفهم من أساسه

عن اذنك انى جايمه الحج صلاة العصر جبل ما يفوتني

♥️♥️♥️♥️♥️♥️♥️