رواية غلطة أخي

الحلقه السادسه و الأربعون

الحلقه السادسه و الأربعون من رواية

غلطة أخي

???????

و في يوم جديد و مع بداية العام الدراسي الجديد أمنيه تعدي على مها عشان يروحوا الكليه مع بعض ده اول يوم ليهم و الدنيا مش سايعاهم من الفرحه انهم داخلين سوا كلية الطب

يدخلوا مكان القاء، المحاضره و يقعدوا جمب بعض

و يتجمع كل الطلبه و الطالبات و هما مستنيين اول محاضره ليهم و يدخل الدكتور و يشرح لهم و هما فرحانين اوي

و خرجوا من المحاضره و هما في قمة سعادتهم

مها : انا مش مصدقه نفسي و ربنا معقوله احنا دخلنا كلية الطب خلاص

أمنيه : صدقي يا بت صدقي خلاص يا موهه حنبقى دكاترة يا اختي

مها : تفتكري ممكن نتخصص ايه

أمنيه : انا عن نفسي عاوزة ابقى دكتورة نسا و توليد

مها : اه يا لئيمه عينك اكيد على العمليات و الولادات بقى مش، كده

امنيه : بصراحه اه ههههههه حفضل على قلب كل واحده لحد ما تولد و النونو يشرف

مها : حلو اوى و انا بقى حستلم منك البيبي اول ما يتولد

اصلي ناويه على تخصص أطفال ان شاء الله

أمنيه : شفتي بقى ادينا ظبطنا كل حاجه اهوه منقصش بقى غير العياده بس ميهمكيش ابيه احمد اكيد حيفتحلنا احلى عياده ة نقسمها بالنص قسم نسا و توليد و قسم أطفال

مها : ايوة بقى هو ده الكلام

يقعدوا يضحكوا و يهزروا و هما فرحانين

و عدى يوم و اتنين و هما بيروحوا كل يوم مع بعض لحد ما جه نص الأسبوع و دخلت أمنيه و مها المحاضره زي عادتهم بس اتفاجئوا ان الدكتور موجود في المحاضرة من قبلهم

يخبطوا على الباب عشان يستئذنوا و يدخلوا

أمنيه : صباح الخير يا دكتور ممكن ندخل

الدكتور : انتوا ايه اللي جايبكم متأخر احنا لسه في بداية الدراسه المفروض تكونوا ملتزمين

امنيه : احنا جايين في معادنا و الله يا دكتور و متاخرناش

الدكتور : يبقى انتوا مبصتوش على الجدول المعدل

تراجعوا الجدول تاني و الكلام ده موجه لكل الطلبه يا ريت الكل يراجع جدول المحاضرات عشان في تغيير

اتفضلوا ادخلوا و اخر مرة حسمح بدخول حد بعدي

مها : شكرا يا دكتور

تدخل مها و امنيه و يقعدوا طبعا جمب بعض

و يكمل الدكتور المحاضره

أمنيه : بت يا مها مش ده دكتور عبد الرحمن ابن عمك يا بت

مها : أيوة هو يا أمنية

امنيه : و سايباه عمال يهزا فينا ادام الدفعه بالشكل ده

مها : اهي عدت على خير الحمد لله

أمنيه : طب ايه مش حتقوليله حاجه ده لسه مهزانا ينفع كده بردو

مها : اقولله إيه يا تحفه انتي كمان

و هو ده وقته

امنيه : هههههه مش ابن عمك و عمي حمدي موصيه علينا

مها : و انتي بقى عاوزاني اقوم اقولله ازيك يا عبرحمن يا بن عمي انا مها بنت عمك اللي ابوها موصيك عليها و انت هزاتها قدام الدفعه كلها

امنيه : هههههههه

دكتور عبد الرحمن : انتي يا انسه انتي و هيا

امنيه و مها بيبصوا وراهم

انتوا اللي بتبصوا وراكم

امنيه : انا

دكتور عبد الرحمن : ايوة انتي و اللي جمبك

اتفضلوا اطلعوا برة المحاضره

تقوم مها : بس احنا معملناش حاجه يا دكتور عشان نطلع

دكتور عبد الرحمن: امال مين اللي بيتكلم و بيضحك انا

انتوا من وقت ما دخلتوا و انتوا مبطلتوش كلام امال لو مكنتوش جايين متأخر كنتم عملتوا إيه و كمان بتضحكوا و لا في اي اهتمام المكان ليه احترامه

مها : بس احنا محترمين يا دكتور

عبد الرحمن : طب اتفضلوا عندي هنا

تنزل مها و أمنيه قدام الطلبه

دكتور عبد الرحمن: كارنيهك يا انسه انتي و هي

كل واحده فيهم تفتح شنطتها و يطلعوا الكارنيهات و يدوهاله اتفضل

دكتور عبد اىرحمن ياخد الكارنيهات و ميبصش فيهم

اتفضلوا اطلعوا ا برة و بعد المحاضرة تجولي المكتب اشوف حكايتكم ايه بالظبط

يخرجوا و هما م**وفين اوي

مها : عاجبك اللي حصل ده

امنيه : شكلنا كان وحش اوي أدام الطلبه بس انا عاوزة افهم هو ازاي معرفكيش يا بنتي

مها : اكيد طبعا مش حيعرفنا احنا في الفرح شكلنا كان حاجه و دلوقتى حاجه تانيه خالص

امنيه : على رأيك اللي يشوفنا و احنا قمرات في الفرح ما يشوفناش و احنا شبه غفر السواحل دلوقتى

بت كلمي ابوكي قوليله خليه يتصل عليه يهزؤه

مها : لأ احنا حنستنى لما يطلع مكتبه و نروحله و نشوف هو حيعمل ايه لما يعرف احنا مين

أمنيه : طب بقولك ايه انا دمي محروق و عاوزة اروق دمي تعالي نروح نشرب حاجه سخنه تهديلي اعصابي

مها : و ماله يا اختي نشرب منشربش ليه

بعد مرور ساعتين

يخبطوا عليه الباب و يدخلوا

دكتور عبد الرحمن : في ايه يا انسه انتي و هيا و ايه حكايتكم

ممكن افهم ازاي تتكلموا في المحاضرة و تضحكوا بالشكل ده

مها : احنا اسفين لحضرتك يا دكتور

دكتور عبد الرحمن : هو احنا اتقابلنا قبل كده انا حاسس اني شفتك قبل كده وشك مش غريب علية

مها : ما غريب الا الشيطان يا دكتور عبد الرحمن

دكتور عبد الرحمن : انتي اسمك ايه

مها : اسمي في الكارنيه اللي حضرتك اخدته مننا يا دكتور

يبص دكتور عبد الرحمن في الكارنيه : أمنيه عبد الله

ترد عليه أمنيه : أنا أمنيه يا دكتور

فيبص في الكارنيه التاني و لسه بيقرأ اسم مها يتفاجئ ببقية الاسم مها حمدي المنياوي

مش معقوله انتي مها بنت عمي

مها : ايوة حضرتك يا دكتور انا مها حمدي المنياوي بنت عم حضرتك يا دكتور

دكتور عبد الرحمن : يا محاسن الصدف

مها : محاسن إيه بس يا دكتور قول صدمات ده حضرتك لسه طاردنا و مهزانا قدام الدفعه كلها

دكتور عبد الرحمن : هههههه معلش طيب مش كنتي تفهميني او تلفتي نظري

امنيه : قلتلها و الله يا دكتور بس هي ان**فت ده انا حتى قلتلها تتصل بعمي حمدي تشتكيله من اللي حضرتك عملته فينا عشان يتصرف معاك بردو مرضتش

دكتور عبد الرحمن : ههههههه انتي شكلك مشكله يا أمنيه

بس انتوا صحاب مش كده

مها : أمنية تبقى اخت أيمن خطيب تقى أختي و احنا أصلا صحاب من و احنا قد كده هوه

دكتور عبد الرحمن : يعني صحاب و أهل و شطار و دخلتوا كلية الطب سوا لاء، بجد برافو عليكم أهم حاجه انكم تحافظوا غلى الصحوبيه دي و متخلوش اي حاجه في الدنيا تفرق بينكم في يوم من الأيام

أمنيه : حاجه تفرق بيني و بين موها حبيبتي استحاله طبعاً دي تبقى القيامه قامت لو حاجه زي دي حصلت حضرتك متعرفش يا دكتور احنا بنحب بعض اد ايه

دكتور عبد الرحمن : ماشي يا ست أمنيه هانم اهم حاجه دلوقتى انتوا زيكم زي كل الطلبه عاوز التزام في المحاضرات و لو شفتكم بتكلموا بعض تاني في المحاضرة حولع فيكم انتوا الاتنين

و اما بقى بعد المحاضرات فانا عنيه ليكم اي حاجه محتاجينها أو أي مشكله تقابلكم او اي حاجه عاوزينها من دكتور زميلي تقولولي على طول انتوا فاهمين

مها : طبعا فاهمين يا ابن عمي ربنا يخليك لينا و للغلابه الي زينا يا رب و يقدرك على فعل الخير و حسنه قليله تمنع بلاوي كتيرة و هنيالك يا فاعل الخير و الثواب

دكتور عبد الرحمن : بس بس كفايه يا مجنونه انتي بتشحتي

مها : هههههههه ربنا يخليك يا رب يا دكتور

أمنيه : هو بس في سؤال محيرني ممكن اسأله حضرتك

دكتور عبد الرحمن : اسألي طبعاً زي ما نتي عاوزه خير

أمنية : لاء هو بس انا في حاجه مستغرباها

هو ازاي حضرتك صعيدي و بتتكلم عادي زينا

دكتور عبد الرحمن : هههههههه هو في كلام عادي و كلام مش عادي

أمنية : هههه لا طبعاً أنا بس قصدي يعني ان حضرتك مش بتتكلم زي ما بشوف الصعيده بيتكلموا

دكتور عبد الرحمن : عشان انا معظم تغليمي مكنش في الصعيد و معظم حياتي مقضيها برة الصعيد فبقيت بتكلم عادي زي ما بتقولي لكن على فكرة انا بحب اللهجه الصعيدي جدا و مش ممكن اكون موجود في الصعيد و متكلمش صعيدي و بقولكم إيه يا للا كفايه عليكم كده انا مش فاضيلكم

مها : ماشي يا دكتور احنا حنقوم يا للا سلام

دكتور عبد الرحمن : سلميلي على عمي حمدي يا مها

مها : يوصل طبعا يا دكتور

يخرجوا من المكتب و يمشوا

فيخرج و ينادي عليهم انتي يا تحفه انتي و هيا

كارنيهاتكم نسيتوها

يرجعوا ياخدها منه و يمشوا

يمشوا و هو يضحك عليهم و يدخل عشان يكمل شغله

امنيه : بت يا مها تصدقي انا ما اخدتش بالي منه في الفرح كويس ده امور أوي و يا لهوي عليه جوز عينين شبه عينين تقى بالظبط

مها : بت انتي اتلمي انتي بتعا**ي واد عمي الدكتور عيني عينك اجده

أمنيه : اه طبعآ بعا**ه اصله الصراحه أمور اوي و جنتل كده يعقد يخرببيت فقره شبه الممثلين

لا ممثلين إيه ده أحلى منهم و ربنا

مها : ما خلاص يا اختي الراجل زمانه مات من نقك عليه يا فقر

أمنيه : هههههههه طب يا للا يا اختي قدامي خلينا نروح

???????

يجلس مع صديقه الطبيب في مكتبه بالمستشفى

باهي : مالك يا معلم في إيه حسك متغير اليومين دول

نادر : الزفته اللي اسمها سهى دي السافله

باهي : مالها يا نادر

نادر : كنت فاكرها بتحبني بصحيح و بجد الحقيرة اكتشفت انها عارفه واحد تاني و ماشيه معاه

باهي : انت بتتكلم بجد يا نادر

نادر : امال بهزر يعني يا باهي ده انا حتشل من وقت ما عرفت

باهي : طيب انت عرفت ازاي و مين اللي قالك

نادر : شفتها بعنيه يا باهي كنت سهران مع معتز صاحبنا في نايت كلاب و شفتها

باهي : و هي عملت ايه لما عرفت انك شفتها

نادر : انا معرفتهاش اني شفتها انا داريت نفسي منها لحد ما قاموا هما الاتنين و طلعت وراهم بالعربيه و شفتهم طالعين العمارة سوا و سألت البواب قاللي انهم بييجوا مع بعض على طول و بعدها اخدت نفسي و مشيت من غير ما تشوفني

باهي : طيب و حتعمل ايه دلوقتي معاها يا نادر

نادر : حعمل معاها ايه ده انا حعمل معاها كل خير ان شاء الله اصبر بس و انت تشوف بنفسك اما وريتها الحيوانه دي كانت عامله نفسها طيبه و غلبانه و ملهاش حد و بعد ما صعبت علية و حبتها طلعت مدوراها بس وربنا المعبود لوريها و اخللي اللي ما يشتري يتف*ج عليها

باهي : الصراحه حقك دي مكنش باين عليها خالص اللئيمه و عامله نفسها مؤدبه ده انا نفسي كنت عاوز افاتحك في موضوع جوازك منها

نادر : انت بتقول فيها يا باهي طب و ربنا و حياة امي اني انا نفسي كنت بفكر في موضوع جوازي منها و بقول حرام ملهاش حد اتجوزها على سنة الله و رسوله

تقوم تعمل فية انا كده هي مش عارفه انا ممكن اعمل فيها ايه ده انا انسفها من على وش الضهر

باهي : بالهداوة يا نادر و من غير تهور بلاش تؤذي نفسك عشان واحده متستاهلش هما اصلا كلهم زباله و ملهمش طيب و لا غالي مبيدوروش غير على مصلحتهم و بس

نادر : اطمن يا باهي انا مش ممكن اضيع نفسي عشان واحده سافله زي دي انا جربيها و حعلمهتا الأدب و حخليها تندم على اليوم اللي اتولدت فيه

???????