WALA sanang plano na sumama si Izaria sa kaibigang si Virna para pumunta sa kasal nina Jay at Ariane. Dahil sila na ni Rainan, nasasabik na siya.
“Akalain mo, besh, ang liit lang talaga ng mundo, ano? Ang Ex mong si Jay, napadpad dito sa Ilocos dahil sa pinsan ng superman mo,” ani ni Virna.
“Oo. Pati ang pinsan ni Rainan na si Mark, hindi mo na rin tinantanan,” nakangiwing sabi niya.
“Akala ko ikaw talaga ang type niya at akala ko hahalikan ka na niya. Pero talaga palang gano’n siya. Mukhang playboy pero malay natin, magbabago siya kapag binihag ko ang puso niya,” anito saka bumungisngis.
Naghahanda sila para um-attend sa kasalan. Walang maisip na isusuot si Izaria. Alas-otso pa naman bago magsimula, tinulungan na siya ni Virna sa pag-aayos. Imbes na pumunta pa sila sa salon ay tinawag
